غــزل

غــزل

January 1, 2018

یوه شېبه مې هم بیخي چا سره نه خوښېږي

بغير له تا مې زندګي چا سره نه خوښېږي

له پېغلتوبه تویه شوې تروږمۍ خوره ده

په دې تیاره کې مې ځواني چا سره نه خوښېږي

د بې مثاله په مثال بې مثالي نه وژنم

ستا په خایست کې مې سیالي چا سره نه خوښېږي

شاعر سړی یمه په وینه کې مې امن ګرځي

زما خو هسې هم بدي چا سره نه خوښېږي

وینځې د وینځو نا لیدلي ځنځیرونه مینځي

د چا حرم کې ازادي چا سره نه خوښېږي

سعوده څرنګه چې ساه چا سره نه اخلمه

داسې مې خپله شاعري چا سره نه خوښېږي

ــــــــــــــــــــــ سید شاه سعود


Create Account



Log In Your Account