ننګرهار کې د ښاروالۍ نرخپاڼې نه عملي کېږي

ننګرهار کې د ښاروالۍ نرخپاڼې نه عملي کېږي

January 11, 2019

ننګرهار کې ګڼ ښاريان د ښاروالۍ په مسؤولينو نيوکه کوي.

په جلال اباد ښار کې خلک وايي چې نانوایان د نرخپاڼې خلاف کم وزنه او ناسم کيفيت لرونکي ډوډۍ پر دوی پلوري.

 د نانوایانو دا ډول بي عدالتي هغه څه دي چې ښاریان یې اندیښمن کړي دوي وایي که دا حالت په جلال اباد ښار کې روان وي نو د ښاروالۍ شتون ته اړتیا نشته.

جعفر حسن کاموال د جلال اباد ښار یو هټیوال تلوسې راډیو سره په خبرو کې وویل ښار کې نانویان د ډوډۍ وزن کموي او ډیر بي کفیته یې پخوي،هغه وایي چې په دي هرڅه کې د ښاروالۍ مامورین او د دې برخې مسوولین شریک او ګرم دي.

د ښاریانو په وینا چې په ځلونو یې ښاروالۍ ته شکایتونه کړي خو کله چې ښاروالۍ مسوولین راځي نو دوی د ډوډۍ کیفت او وزن برابروي خو چې لاړشي نو بیرته عادي حالت ته کرځي.

خو نانویان وایي چې اوړه قیمته شوي خو د ښاروالۍ له لوري ورته د ډوډۍ قیمت لس افغانۍ او وزن یې زیات ښودل شوي چې د ډوډۍ پخونکو پکې هیڅ ګټه نشته نو مجبوریږي چې د ډوډۍ وزن کم کړي.


Create Account



Log In Your Account