هلمند کې ۱۰۰۰ جریبه مځکه له غصبه خلاصه شوه

هلمند کې ۱۰۰۰ جریبه مځکه له غصبه خلاصه شوه

January 11, 2019

تلوسه/هلمند

هلمند ولایت په ګرشک ولسوالۍ   زر جریبه ځمکه د غاصبینو له منګلو خلاصه شوې ده.

د هلمند والي تورنجنرال محمد یاسین خان ګرشک ولسوالۍ ته د سفر پر مهال رسنیو ته وویل: چې پدې وروستیو کې یې پدې ولسوالۍ کې څه باندي زر جریبه ځمکه د غاصبینو له منګلو خلاصه کړې ده، چې پدې برخه کې یې لا هم هڅې روانې دي.

ښاغلي یاسین خان وویل: کله چې یې د هلمند د والي په توګه پدې ولایت کې دنده پیل کړې، تر دې مهاله یوه لویښت ځمکه هم نه ده غصب شوې.

نوموړي وویل: چې غصب پر وړاندي جدي چلند کوي او چاته به اجازه ورنکړې، چې دولتي ځمکې غصب کړي.

والي وویل: چې ګرشک ولسوالۍ کې د ځمکو د غصب د مخنیوي په تړاو جدي هڅې روانې دي، څو هغه ټولې ځمکې له غاصبینو راخلاصې کړي، چې وړاندې په خپل سري ډول غصب شوي دي.

هلمند والي محمد یاسین تر دې وړاندي ګرشک ولسوالۍ ته یو باصلاحیته پلاوی لیږلی وو، څو پدې ولسوالۍ کې غصب شوي ځمکې د غاصبینو له منګلو خلاصې کړي.


Create Account



Log In Your Account