پکتیا کې روحاني بابا ولسوالۍ ته غځېدلی سړک جوړېږي

پکتیا کې روحاني بابا ولسوالۍ ته غځېدلی سړک جوړېږي

November 20, 2019

۱۳۹۸\لړم \ ۲۹ نېټه

زیارت ګل تاثیر، تلوسه ـــ پکتیا

روحاني بابا له زرمت څخه جلا شوې نوې ولسوالۍ له مرکز ګردېز سره نږدې پرته ده .

دغې ولسوالۍ ته ۲۲ نیم کیلوميټره سړک په پاخه او اساسي ډول جوړېږي، چې چارې يې عملا پېل شوې دي .

د پکتیا والي شمیم خان کټوازی وايي، د دې سړک د لومړي فاز له مخې به ۶ نیم کیلوميټره سړک ورغول شي او ټول سړک د دوهم فاز له جوړېدو څخه وروسته ۲۲ نیم کیلو مټره کېږي، چې په پاخه او اساسي ډول رغول کيږي.

دا سړک به ۲۴ پلچکونه، درې کيلومټره ویاله او یو کيلو مټر اسنادي دیوال ولري، چې مجموعي لګښت يې ۱۴۰ میلیونه افغانۍ کېږي، چې د افغانستان د مالیې وزارت له لورې ورکول کېږي.

والي کټوازی وايي، دوی هېله او غوښتنه لري، چې د دې سړک د جوړېدو چارې په ۱۴ میاشتو کې بشپړې شي .

په ورته مهال د پکتیا اوسېدونکي د داسې پروژو د چارو په بې وخته پېل کېدو نېوکه کوي او وايي، سړه هوا به يې چارې زیانمنې کړي .

View 10

Create Account



Log In Your Account