د پکتیا او خوست مسولین وايي، صنعت کارانو ته به ژر ګڼ فرصتونه رامنځته کړي

د پکتیا او خوست مسولین وايي، صنعت کارانو ته به ژر ګڼ فرصتونه رامنځته کړي

February 13, 2020

۱۳۹۸\سلواغه \ ۲۴ نېټه

زیارت ګل تاثیر، تلوسه ـــ پکتیا

د پکتیا او خوست ولایت چارواکي وايي، ژر به پدې دوو ولایتونو کې د صعنت کارانو لپاره ګڼ فرصتونه رامنځته کړې.

دوی زیاتوي، له دې سره به د صنعت په وده کې پرمختیا رامنځته او ګڼو اوسېدونکو ته به هم کاري زمنیه برابره شي.

د خوست د والي ویاند طالب منګل وايي، صعنت کارانو ته د فرصتونو برابرولو له جملې څخه يې یو هم د سوداګر او صنایعو خونه وه، چې له سره ورغول شوه او ورسره همهاله يې د غړو شمېر هم زیات شو.

منګل زیاتوي، راتلونکی کال دوی جامع طرحه له ځان سره لري، چې ورسره به په خوست ولایت کې صنعت وده وکړي.

بل لور ته د پکتیا ولایتي چارواکي هم وايي، دوی هڅه کوي، چې د صنعت ودې لپاره کار وکړي.

د پکتیا د والي ویاند عبدالله حسرت زیاته کړه، د صنعت وده د دوی له لومړیتوبونو څخه ده، چې د صنعتي ښار ګوټي د جوړېدو تر څنګ به ځينې نور فرصتونه هم د صنعت کارانو لپاره رامنځته کړي.

حسرت زیاتوي، د ډېری سوداګرو او صنعت کارانو ستونزې يې له منځه وړې، خو پاتې داسې ستونزې دي، چې د هېواد په کچه لېدل کېږي او د هغو د له منځه وړلو لپاره د دوی مرسته اړینه لېدل کیږي.

دوی پداسې مهال صنعت کارانو ته د فرصتونو رامنځته کولو خبره کوي، چې لا هم پدې ولایتونو کې د صنعتي ښار ګوټو نشتون خلک له ستونزو سره مخ کړي.

View 24

Create Account



Log In Your Account