مل پاسوال خلیل الرحمن جواد د هلمند د نوي امنیه قوماندان په توګه دنده پیل کړه

مل پاسوال خلیل الرحمن جواد د هلمند د نوي امنیه قوماندان په توګه دنده پیل کړه

February 13, 2020

۲۴/۱۱/۱۳۹۸

تلوسه/هلمند

هلمند والي تورنجنرال محمد یاسین، د نوي امنیه قومندان په معرفت غونډه کې د خبرو پر مهال وویل: تغیر او تبدیل په نظام کې یو اصل دی چې د پر مختګ په موخه تر سره کېږي.

ښاغلي یاسین خان زیاته کړه: د هلمند مخکنی قوماندان سمونمل احسام الدین هلمندي خپله دنده په ښه ډول ترسره کړه او د امنیت په برخه کې له نظامي شورا سره په ګډه هلې ځلې وکړې.

هلمند والي نوي امنيه قوماندان ته د ښه راغلاست ويلو تر څنګ وویل: د پوليسو په ليکو کې اصلاحات، د امنيت ټينګښت لپاره جدي هلې ځلې، په ښار کې د غلاو او ترورنو مخنيوي او له خلکو سره د پوليسو لخوا غوره چلند بايد په کاري لومړيتوبونو کې ونيول شي.

ورپسې د هلمند نوي امنيه قوماندان مل پاسوال خليل الرحمن جواد په خپلو خبرو کې د هلمند ولسونو ته ډاډ ورکړ، چې د تېر په شان به په دغه ولايت کې د امنيت ټينګښت، د پوليسو اصلاحاتو، نظامي شورا سره د غوره همغږۍ، خلکو سره د نېږدې اړيکو او په ښار کې د ډاډمن وضعيت لپاره بشپړه هڅې او هاندونه وکړي.

له غونډې وروسته د هلمند والي، د کورنيو چارو وزارت د ارشد معينيت مرستيال او د نظامي او ملي شورا غړو له لورې نوی امنيه قوماندان پر څوکۍ کېنول شو او د هلمند والي لخوا مخکني امنيه قوماندان د هغه د ښه ماموريت په پار ستاينليک ورکړل شو.

 

View 21

Create Account



Log In Your Account