په کوېټه کې حکومت هزاره مېشتې سيمې په بشپړه توګه تړلي

په کوېټه کې حکومت هزاره مېشتې سيمې په بشپړه توګه تړلي

March 26, 2020

د وري، حمل  ۷  مه  ۱۳۹۸

 د بلوچستان دولتي چارواکي فیصل اصغر په کوېټه کې د کرونا وايروس د مخنيوي په لړ کې له جوړې شوي غونډې وروسته  ويلي چې حکومت د کوېټې هزاره مېشتې سيمې هزاره ټاون او مري اباد په بشپړه توګه  د تړلو امر کړی دی چې له مخې به يې يادو سيمو ته تلونکې ټولې لارې وتړل شي او د سيمې اوسېدونکو ته  به اجازه ورنه  کړل شي چې د ښار نورو سیمو ته  تګ  وکړي. له  ايران څخه  راغلي د زيارت کوونکو زيات  شمېر د هزاره  توکمه  شعيه  مسلمانانو دی، چې په هزاره ټاون او مري اباد سيمو کې مېشت  دي.

ښاغلي اصغر زياته  کړې، چې دا پرېکړه يې وروسته  له  هغه کړې چې د يادو سيمو اوسېدونکي په دې وروستيو کې له  ايران څخه  راستانه  شوي، که  څه  هم د دوی معاينات شوي او پايلې يې منفي څرګندې شوې، خو احتمال شته چې د کرونا وايروس بېرته  راژوندی او له  دې سيمې نورو سيمو ته  خپور شي.

د نوموړي  په  خبره دا مهال په وايروس اخته  کسان يوازې په کوېټه  کې دي، ځکه  نو د کوېټې ټولې لارې د ايالت  له  نورو سيمو سره تړل شوې دي.

د بلوچستان حکومت  وياند لياقت  شاهواني بيا رسنيو ته  ويلي، چې په ايالت کې په کرونا وايروس د اخته  کسانو شمېر يو سل دېرش ته  رسېدلی دی د وايرس د مخنیوي په لړ کې يې ټول لازم اقدامات کړي، او حکومت  هڅه کوي، وايروس له کوېټې نورو سیمو ته  خپور نه  شي په کوېټه کې د ناروغانو د درملنې لپاره  قرنطين مرکزونه  جوړ شوي او زرګونه  روغتيايي کارکوونکي په  دنده ګمارل شوي دي.

په  بلوچستان کې د کوېټې په فاطمه جناح روغتون کې بستر په کورونا وايروس اخته  اويا کلن ناروغ تېره ورځ ساه  ورکړه ياد ناروغ  څو ورځې وړاندې له  ايران څخه  کوېټې ته راغلی وو.

View 8

Create Account



Log In Your Account